ඔරියන්ට් ෆිනෑන්ස් ශ්‍රී ලංකාවේ ත්‍රිරෝද රථ රියදුරන් බල ගැන්වීම වෙනුවෙන් නව ලීසිං පහසුකමක් හඳුන්වා දෙයි
ඔරියන්ට් ෆිනෑන්ස් සමාගම, එදිනෙදා ජීවිතයේදී අපට හමුවන සැබෑ මානව හිතවාදී ත්‍රිරෝද රථ රියැදුරන් ඇගයීම වෙනුවෙන්, ඔවුන්ගේ ජීවිතය හා බද්ධවූ වටිනාකම් ඉස්මතු කරමින් සුවිශේෂී ප්‍රවර්ධන වැඩසටහනක් නිර්මාණය කර ඇත. ත්‍රිරෝද රථ රියැදුරන් බල ගැන්වීම වෙනුවෙන් ඔරියන්ට් ෆිනෑන්ස් සමාගම හඳුන්වා දෙන ලීසිං පහසුකම් ඇතුළු සේවාවන් පිළිබඳව දැනුවත් කිරීම මෙන්ම ත්‍රිරෝද රථ රියැදුරන් සමාජය වෙනුවෙන් ඉටු කරන සුවිශේෂී කාර්යභාරය සහ ජීවන අරගලයේදී ඔවුන් මුහුණ දෙන අභියෝග පිළිබඳව සමාජය දැනුවත් කිරීම මෙම ප්‍රවර්ධන වැඩසටහනේ ප්‍රධානතම අරමුණයි.
මෙම ප්‍රවර්ධන වැඩසටහනට සමගාමීව ත්‍රිරෝද රථ රියදුරන් වෙනුවෙන්ම සැකසූ ‘ඔරියන්ට් ටුක් ටුක් ලීසිං’ පහසුකම හඳුන්වා දීමට ඔරින්ට් ෆිනෑන්ස් සමාගම කටයුතු කළ අතර, එහිදී ලබාදෙන නම්‍යශීලී ආපසු ගෙවීමේ පහසුකම් නිසා එදිනෙදා වියදම්වලට බලපෑමක් නොවන අයුරින් ලීසිං වාරිකය ගෙවීමේ හැකියාව ලැබීම විශේෂත්වයකි. ඊට අමතරව, සරල හා ඉක්මන් අනුමත කිරීමේ ක්‍රියාවලිය නිසා ඉතා ඉක්මනින් ලීසිං පහසුකම ලබා ගැනීමේ හැකියාවද ‘ඔරියන්ට් ටුක් ටුක් ලීසිං’ සේවාවේ දක්නට ලැබෙන විශේෂත්වයකි.
මෙම ලීසිං සැලැස්මට ජීවිත රක්ෂණාවරණයක්ද ඇතුළත් වන අතර, අකල් මරණයකදී රථයේ හිමිකරුගේ පවුල වෙත රු. 500,000ක මුදලක් ලබා දෙයි. වර්තමානය වන විට මෙම ප්‍රතිලාභය පවුල් දහයකට වැඩි සංඛ්‍යාවකට ලබාදීම තුළින් එම වැඩ පිළිවෙළේ සාර්ථකත්වයට උදාහරණ සපයයි. ෂරියා-අනුකූල මූල්‍ය විසඳුම් අපේක්ෂා කරන ගනුදෙනුකරුවන් වෙත ‘ඔරියන්ට් ෆිනෑන්ස් ඉජාරා ටුක් ලීසිං’ සේවාව හඳුන්වාදී ඇති අතර, සිය ගනුදෙනුකරුවන්ගේ විවිධත්වයෙන් යුත් අවශ්‍යතා සඳහා විසඳුම් ලබා දීමට ඔරියන්ට් ෆිනෑන්ස් සමාගමේ කැපවීම එමඟින් පිළිබිඹු වේ.
මෙම සුවිශේෂී ප්‍රවර්ධන වැඩසටහන පිළිබඳව අදහස් දක්වමින් ඔරියන්ට් ෆිනෑන්ස් සමාගමේ විධායක අධ්‍යක්ෂ / ප්‍රධාන විධායක නිලධාරී කේ.එම්.එම්. ජබීර් මහතා පැවසුවේ, “ත්‍රිරෝද රථ රියැදුරන් දේශීය ප්‍රවාහන ක්ෂේත්‍රයේ කොඳු නාරටිය විදියට හඳුන්වා දීමට පුළුවන්. දැඩි අභියෝගාත්මක තත්ත්වවලදී පවා ඔවුන් අඛණ්ඩව සිදු කරන ජාතික මෙහෙවර ඇගයීමට ඔරියන්ට් ෆිනෑන්ස් අපි නිරන්තරයෙන් කටයුතු කරනවා. එම නිසාම සාම්ප්‍රදායික මූල්‍ය සේවාවන්ගෙන් ඔබ්බට යමින්, ඔවුන්ගේ අවශ්‍යතාවලට සරිලන සේවා හඳුන්වා දීමට අපි නිරන්තරයෙන් කටයුතු කරනවා.” යනුවෙනි.
ත්‍රිරෝද රථ රියදුරන් බොහෝ දෙනෙක් වාහන මිලදී ගැනීමේදී තමා සතු සියලුම ඉතුරුම් අදාළ මූලික ගෙවීම් සඳහා ආයෝජනය කරන බව හඳුනා ගත් ඔරියන්ට් ෆිනෑන්ස් සමාගම, එම ඉතුරුම් ආරක්ෂා කරමින් අදාළ මූලික ගෙවීම් කටයුතු සිදු කිරීමට පහසුකම් සැපයීම වෙනුවෙන් කෙටි කාලීන සහන සහ දිගු කාලීන යන සංකල්ප දෙක යටතේම මූල්‍ය සේවා ලබාදීමට කටයුතු කරන අතර, එම සමාගමේ ඉලක්කය වන්නේ රියදුරන් වෙත මානසික සහනය උදාකර දෙමින්, ඔවුන්ගේ සිහින සැබෑ කරගැනීමට සහ අනාගතය සුරක්ෂිත කරගැනීමට සහයෝගය ලබා දීමයි. මෙම ප්‍රවර්ධන වැඩසටහන සහ ඒ හරහා ප්‍රවර්ධනය කෙරෙන නව ලීසිං සේවාව හරහා ශ්‍රී ලාංකික ත්‍රිරෝද රථ රියැදුරන් බලගන්වන ඔරියන්ට් ෆිනෑන්ස් සමාගම, ඒ හරහා සැබෑ ශ්‍රී ලාංකික ආයතනික පුරවැසියෙකු ලෙස සිය වගකීම නිසිලෙස ඉටු කරන බව අවධාරණය කළ යුතුය.
Recent Comments