DIMO, Mercedes-Benz Flying Doctor Service Clinic 2026 සාර්ථකව අවසන් කරයි

ලෝක මෝටර් රථ කර්මාන්තය වේගයෙන් විදුලි වාහන (EV) වෙත යොමු වෙමින් සිටින සමයක, විශේෂිත තාක්ෂණික දැනුම සහ විශ්වාසනීය aftersales සේවාවන් සඳහා ඇති අවශ්‍යතාවය වඩාත් වැදගත් වී ඇත. මෙම පසුබිම යටතේ, ශ්‍රී ලංකාවේ Mercedes-Benz රථ සඳහා එකම බලයලත් බෙදාහරින්නා වන DIMO, තම පාරිභෝගිකයන්ට ගෝලීය මට්ටමේ සේවා අත්දැකීමක් ලබාදීමේ කැපවීම තවදුරටත් ශක්තිමත් කරමින්, මෑතකදී Mercedes-Benz Flying Doctor Service Clinic 2026 සංවිධානය කළේය.

Mercedes-Benz AG විසින් පුහුණු කරන ලද විශේෂඥයෙකු වන ෆිසියාන් චිට්බන්චොන්ගේ මහතාගේ නායකත්වයෙන් පැවැත්වූ මෙම Flying Doctor Service Clinic හරහා පාරිභෝගිකයන්ට උසස් තාක්ෂණික දැනුම සහ නිරවද්‍ය දෝෂ හඳුනාගැනීමේ පහසුකම් සෘජුවම ලබා දෙනු ලැබීය. අප්‍රේල් 6 සිට 10 දක්වා දිනපතා පැවැත්වුණු මෙම වැඩසටහන මඟින්, පාරිභෝගිකයන්ට factory-level විශේෂඥයන් සමඟ සෘජුව සම්බන්ධ වීමට අවස්ථාව ලැබුණි.

මෙම වැඩසටහන තුළ, නියමිත වේලාවන් යටතේ පැවැත්වූ එක් එක් පුද්ගලයන් සඳහා වූ තාක්ෂණික උපදේශන, සම්පූර්ණ වාහන පරීක්ෂණ හරහා පුද්ගලිකකරණය කළ සේවා අත්දැකීමක් ලබා දෙන ලදී. මෙය ශ්‍රී ලංකාව තුළ “The Home for Mercedes-Benz” ලෙස DIMO සතු අධිකාරීත්වය තවදුරටත් ශක්තිමත් කරයි.

2026 වසරේ දී මෙම වැඩසටහනේ විශේෂත්වය වූයේ Mercedes-Benz EQ විදුලි වාහන සඳහාම වූ සුවිශේෂී අවධානයයි. මෙය DIMO විසින් පළමු වරට පවත්වන ලද, EQ මෝටර් රථ සඳහාම වෙන් වූ Flying Doctor Service Clinic එක ලෙස හැඳින්විය හැකිය. මෙය, දේශීය වශයෙන් වැඩිවෙන විදුලි වාහන භාවිතයත්, ගෝලීය වශයෙන්  තිරසාර ගමනාගමනය කෙරෙහි ප්‍රවණතාවත් සැලකිල්ලට ගත් කාලෝචිත පියවරක් විය. විදුලි වාහනවල තාක්ෂණික සංකීර්ණතාවය ඉහළ බැවින්, මෘදුකාංග මත පදනම් වූ විශ්ලේෂණ, විශේෂිත රෝග විනිශ්චයන් සහ බැටරි කළමනාකරණ දැනුම අවශ්‍ය වේ. මෙම වැඩසටහන හරහා, DIMO විසින් Mercedes-Benz වාහනවල කාර්ය සාධනය, ආරක්ෂාව සහ දීර්ඝ ආයු කාලය ආරක්ෂා කිරීම සඳහා නිවැරදි තාක්ෂණික සහාය ලබා දී ඇත.

මෙම අවස්ථාව පිළිබඳව අදහස් දක්වමින්, DIMO හි Automotive Engineering Solutions හි ප්‍රධාන මෙහෙයුම් නිලධාරී මහේෂ් කරුණාරත්න මහතා මෙසේ සඳහන් කළේය. “විදුලි වාහන යනු ඩ්‍රයිව්ට්‍රේන් (drivetrain) තාක්ෂණයේ වෙනසක් පමණක් නොවේ. වාහන නිර්මාණය, නඩත්තුව සහ භාවිතයම වෙනස් කරන මූලික පරිවර්තනයක්. Flying Doctor Service Clinic වැනි වැඩසටහන් හරහා, අපි පාරිභෝගිකයන්ට ඉහළම තාක්ෂණික සහාය ලබාදීමට කැපවී සිටිනවා.”

වර්තමානයේ ඉන්ධන අභියෝග සහ ගෝලීය බලශක්ති ගැටලු පවතින අවස්ථාවක, විදුලි වාහන භාවිතය අනාගත විකල්පයක් නොව, කාලීන අවශ්‍යතාවයක් බවට පත්ව ඇත. DIMO විසින් පාරිභෝගිකයන්ට නව තාක්ෂණය හඳුන්වා දීම පමණක් නොව, එය සාර්ථකව පවත්වාගෙන යාමට අවශ්‍ය දැනුම සහ යටිතල පහසුකම් ද සපයයි.

මෙම වැඩසටහන හරහා, පාරිභෝගිකයන්ට Mercedes-Benz AG හි ගෝලීය විශේෂඥයෙකු සමඟ සෘජුව සම්බන්ධ වීමට ලැබුණු අවස්ථාව, පාරිභෝගිකයින් විසින් විශාල වශයෙන් අගය කරන ලදී. පුද්ගලික අවධානය, පැහැදිලි උපදෙස් සහ Flying Doctor කණ්ඩායමේ වෘත්තීයමය සේවාව මඟින්, DIMO හි සේවාවන් පිළිබඳ විශ්වාසය තවදුරටත් ශක්තිමත් විය. තවද DIMO හි සේවාවන් නිර්දේශ කිරීමට පාරිභෝගිකයින් දැක්වූ දැඩි කැමැත්ත මඟින් ඔවුන් DIMO කෙරෙහි දක්වන දිගුකාලීන පක්ෂපාතීත්වය පිළිබිඹු විය.

එසේම, විවිධ EQ වාහන මාදිලිවල තාක්ෂණික ගැටලු හඳුනාගෙන ඒවා විසඳා ගැනීමට ද මෙම වැඩසටහන හරහා හැකි විය. එය වාහනයේ ක්‍රියාකාරීත්වය, ආරක්ෂාව සහ විශ්වසනීයත්වය වැඩිදියුණු කිරීමට ද උපකාරී විය. මෙහි සුවිශේෂීම දෙය වූයේ තම වාහන වලට නිෂ්පාදක මට්ටමේ විශේෂඥ සහාය ලැබෙන බවට ඇති දැඩි විශ්වාසයෙන්, පාරිභෝගිකයන් පිටව යාමයි.

Flying Doctor Service Clinic වැනි  මුලපිරීම් මගින් Mercedes-Benz සිය නවෝත්පාදන උරුමය අර්ථවත් පාරිභෝගික වටිනාකමක් බවට පරිවර්තනය කරන ආකාරය ඉස්මතු කරයි. ශ්‍රී ලංකාව තුළ, මෙම කැපවීම DIMO හි විශ්වාසදායක සහ බලයලත් අලෙවියෙන් පසු සේවාවන් හරහා ජීවමාන කරනු ලබයි. එමඟින් සෑම Mercedes-Benz වාහනයක්ම අසමසම ප්‍රමිතීන් සහ තාක්ෂණික විශිෂ්ටත්වයකින් යුක්තව පවත්වාගෙන යාම සිදු කරයි. අනාගතයේ මෝටර් රථ ක්ෂේත්‍රය කෙසේ වෙනස් වුවද, ප්‍රධාන අවධානය නොවෙනස් වන අතර, උසස් තාක්ෂණය සමඟ, විශ්වාසනීය සහ සතුටුදායක අත්දැකීමක් සිය පාරිභෝගිකයන්ට ලබාදීම DIMO හි අරමුණයි.